დღეს, 22 მაისს, შუადღიდან გავრცელდა ინფორმაცია, რომ რუსეთის ფედერაციის ბელგოროდის ოლქში დივერსიული ჯგუფები უკრაინელი სამხედროების დახმარებით შეიჭრნენ. თავდაპირველად, რუსები ინფორმაციას უარყოფდნენ და ამბობდნენ, რომ "ეს მოწინააღმდეგის "პიარ სვლა“ იყო, რომლის მიზანიც ბახმუტის დაკარგვის გადაფარვაა".
თუმცა რამდენიმე საათში, როდესაც "ბრძენმა მთავრობამ" და პროპაგანდისტებმა მიმოიხედეს, აღმოჩნდა, რომ ამ "პატარა ჯგუფებს" მხოლოდ საზღვარი კი არ გაურღვევიათ, არამედ რამდენიმე დასახლებულ პუნქტს გასცდნენ და ახლა ქალაქ გრაივორონს მიადგნენ. ბრძოლები ამ წუთშიც მიმდინარეობს.
ვინ შეიჭრა რუსეთის ტერიტორიაზე?
"რუს მოხალისეთა კორპუსის“ და "თავისუფლება რუსეთის“ ლეგიონის წევრები უკრაინის ტერიტორიიდან შეიჭრნენ ბელგოროდის ოლქის ტერიტორიაზე. მათ გამოიყენეს რამდენიმე ჯავშანტრანსპორტიორი, ორი ტანკი და ერთი BTR.
პირველი შეტაკება უშუალოდ გამშვებ პუნქტზე მოხდა, თუმცა რამდენადაც, გამშვები პუნქტი გამაგრებულ წერტილად არ არის გადაკეთებული, მისი გარღვევა რთულ საქმეს არ წარმოადგენდა.
შემდეგ ბრძოლებმა ადგილობრივ სოფლებში, კოზინკაში, გლოტოვოში გადაინაცვლა და ახლა დაახლოებით ქალაქ გრაივორნთან იბრძვიან.
"ჩვენ გავათავისუფლეთ კოზინკი, ეს მხოლოდ ჩვენი მოწინავე საბრძოლო ჯგუფებია, რუსეთი თავისუფალი იქნება!“ - ავრცელებდნენ მიმართვას "რმკ-ს“(რუსეთის მოხალისეთა კორპუსი) წევრები.
ბელგოროდის ოლქში რუსულმა ძალოსნებმა "გადაჭერისა“ და "ედელვეისის“ გეგმა გამოაცხადეს. ეს ნიშნავს, რომ პოლიციის ყველა განყოფილებაში თანამშრომლები გამოიძახეს. ასევე მობილიზებულია ჯავშანტექნიკა, ჰაერში კი დაფრინავენ მი-28, მი-8 და კა-52.
2 მარტს "რმკ“-ს (რუსეთის მოხალისეთა კორპუსი) მებრძოლები ბრიანსკის ოლქშიც შეიჭრნენ. პატარ-პატარ სროლებისა და საინფორმაციო პანიკის დათესვის, ასევე ვიდეოების გადაღების შემდეგ მათ ოლქი დატოვეს.
რას ამბობს უკრაინული მხარე?
უკრაინის თავდაცვის სამინისტროს დაზვერვის წარმომადგენელი, ანდრეი იუსოვი აცხადებს, რომ "თავისუუფლება რუსეთის“ ლეგიონი და "რმკ“ ბელგოროდის ოლქში "უსაფრთხო სივრცის“ შექმნისთვის სპეცოპერაციას ატარებენ. სივრცე უკრაინელი მოქალაქეების დასაცავად იქმნება.
მისი თქმით, ოპერაციას უშუალოდ რუსეთის მოქალაქეები ატარებენ: "თავისუფლება რუსეთის“ და "რმკ-ს“ წევრები ბელგოროდის ოლქს ე.წ პუტინის რეჟიმისგან ათავისუფლებენ. ისინი უსაფრთხოების ხაზს შექმნიან, რომ უკრაინელი მოქალაქეები დაიცვან", - ამბობს იუსოვი.
რას ამბობს რუსული მხარე?
ვლადიმერ პუტინის სპიკერი დიმიტრი პესკოვი აცხადებს, რომ სიტუაციის შესახებ პუტინს აცნობეს. მან ასევე დასძინა, რომ უკრაინა ამ "ხულიგნური“ შეტევით ბახმუტის დაკარგვიდან ყურადღების გადატანას ცდილობს.
"თავდაცვის სამინისტრო, "ფსბ"-მ და სასაზღვრო სამსახურებმა პრეზიდენტს სიტუაციის შესახებ აცნობეს.
ჩვენ კარგად გვესმის, რომ ასეთი დივერსიების მიზანი ბახმუტის დაკარგვის პოლიტიკური ყურადღების გადატანის მცდელობაა“ - განაცხადა პესკოვმა.
ბელგოროდის ოლქის გუბერნატორმა განაცხადა, რომ უკრაინული მხარის დივერსიის შედეგად რუსეთის 8 მოლალაქე დაიჭრა მოჰყვა. Shot-ის ინფორმციით, ლიკვიდირებულია 39 უკრაინელი ბოევიკი, რამდენიმე კი ტყვედაა აყვანილი
