ქართველი მომღერალი ნუცა ბუზალაძე აშშ-ში “American Idol”ში იღებდა მონაწილეობას. საოცარი ხმით მან თავი ყველას დაამახსოვრა, გუშინ კი ამერიკის კონგრესის ბიბლიოთეკაში ჰიმნი შეასრულა.
საქართველოს დამოუკიდებლობის დღე ამერიკის კონგრესის ბიბლიოთეკაში აღინიშნა. სპეციალურად ამ დღისთვის სტუმრად მიიწვიეს მომღერალი ნუცა ბუზალაძე, რომელმაც იმღერა როგორც საქართველოს, ასევე ამერიკის შეერთებული შტატების ჰიმნები.
ნუცა ბუზალაძეს ამ დღეს მორგებული ჰქონდა კაბა საქართველოს დროშის გამოსახულებით.
მის ჩაცმულობაზე დიზაინერმა თაკო მექვაბიძემ იზრუნა. ნუცამ მას „ინსტაგრამის“ სთორიში მადლობა გადაუხადა.
