ქართველ ხალხს დამოუკიდებლობის დღეს უკრაინის პრეზიდენტი, ვოლოდიმირ ზელენსკი, ულოცავს.
"უკრაინელი ხალხის და პირადად ჩემი სახელით, გულწრფელად გილოცავთ საქართველოს დამოუკიდებლობის დღეს.
ჩვენს ხალხებს შორის ურთიერთობა ეფუძნება ურთიერთდახმარებასა და პატივისცემას. ეს განსაკუთრებით მნიშვნელოვანია უკრაინის წინააღმდეგ რუსეთის სრულმასშტაბიანი შეიარაღებული აგრესიის პირობებში.
ჩვენი სახელმწიფო ყოველთვის თანმიმდევრულად უჭერდა მხარს და გააგრძელებს საქართველოს სუვერენიტეტისა და ტერიტორიული მთლიანობის მხარდაჭერას მის საერთაშორისოდ აღიარებულ საზღვრებში.
დარწმუნებული ვარ, რომ უკრაინელი და ქართველი ხალხი მოახდენენ თავისი ტერიტორიებს დეოკუპაციას, დაიბრუნებენ სამართლიან მშვიდობას უკრაინასა და საქართველოში და უსაფრთხოებას შავი ზღვის რეგიონში.ძვირფასო ქალბატონო პრეზიდენტო, გისურვებთ ჯანმრთელობას და წარმატებებს თქვენს სახელმწიფო საქმიანობაში, ქართველ ხალხს კი მშვიდობასა და კეთილდღეობას," - უკრაინის პრეზიდენტის მილოცვას საქართველოში უკრაინის საელჩო ავრცელებს.
