გაზფხულზე ადამიანების დიდ ნაწილს ალერგია აწუხებს, რაც ძალიან შემაწუხებელია, როგორც მათთვის ისე გარშემო მყოფებისთვის.
ასეთ დროს დამახასიათებელია ხშირი ცემინება, ხველა, თვალიდან ცრემლდენა და ა.შ.
ალერგიისა და იმუნოლოგიის ცენტრი 29 მაისიდან 4 ივნისადმე მცენარეული ალერგენების გავრცელების პროგნოზს აქვეყნებს:
„წიფელმა (Fagus) და ცხენისწაბლამ (Aesculus) დაასრულეს ყვავილობა.
მუხის (Quercus) და ფიჭვის (Pinus) მტვრის მარცვლები დაბალი კონცენტრაციით იქნება შეწონილი ჰაერში.
ერთ-ერთი მაღალი ალერგენული თვისებების მქონე ბალახოვანი მცენარეების, მარცვლოვნების (Poaceae) მტვრის მარცვლების კონცენტრაცია არ შეიცვლება და კვლავ მაღალ ნიშნულზე დაფიქსირდება.
ერთეული სახით დაფიქსირდება: ჯვაროსნების (Brassicaceae) და მჟაუნას (Rumex) მტვრის მარცვლები.
სოკოვანი ალერგენების: ალტერნარიას (Alternaria) და კლადოსპორიუმის (Cladosporium) სპორების კონცენტრაცია არ შეიცვლება და დაბალ ნიშნულზე დაფიქსირდება“,- ნათქვამია ინფორმაციაში.