10 მაისს მაიამის სანაპიროზე პაპარაცებმა, 46 წლის შაკირა და 38 წლის მრბოლელი ლუის ჰამილტონი ერთად დააფიქსირეს. მოგვიანებით კი, 4 ივნისს, ისინი ესპანეთში, მეგობრებთან ერთად ერთ-ერთ რესტორანში შენიშნეს.
წყაროს ცნობით, ისინი დროს ერთად ხშირად ატარებენ და მათი ურთიერთობა, ჯერჯერობით, გაცნობის ეტაპზეა.
შეგახსენებთ, რომ შაკირასა და ფეხბურთელ ჟერარდ პიკეს შორის 11 წლიანი ურთიერთობა 2022 წელს დასრულდა, რასაც ბევრი სკანდალი მოჰყვა. ცნობილია, რომ ფეხბურთელმა მომღერალს უღალატა, რის შემდეგაც შაკირამ პიკეზე სკანდალური სიმღერა გამოაქვეყნა.
