ცნობილი ხდება ყოფილი ქმრის მიერ მოკლული 27 წლის მარიტა მაზიაშვილის საქმის დეტალები.
ერთ-ერთი ვერსიით, ყოფილმა ქმარმა მარიტა იქ შვილის საფლავზე აიყვანა. წყვილს 8 წლის წინ, ჩვილი ჰყავთ გარდაცვლილი და ის ამ სასაფლაოზეა დაკრძალული. არსებობს ვერსია, რომ დაპირისპირება თავდაპირველად ყოფილ ცოლ-ქმარს შორის სწორედ ბავშვის საფლავზე დაიწყო, თუმცა ეს არაოფიციალური ვერსიაა.
საქმის მასალების მიხედვით, ნიკოლოზ ლაჩაშვილი ცხედარს ავტომობილში ორი დღის განმავლობაში მალავდა, შემდეგ კი დაქირავებული მანქანით ხევში გადააგდო.
შეგახსენებთ, რომ თბილისში, 31 წლის ნიკოლოზ ლაჩაშვილმა ყოფილი ცოლი, 27 წლის მარიტა მაზიაშვილი ავტომობილში თოკით გაგუდა, მეორე დღეს კი, ნაქირავები მანქანით, გლდანის ხევში გადააგდო.
ნიკოლოზ ლაჩაშვილი ოჯახის წევრის მიმართ ჩადენილი განზრახ მკვლელობის ბრალდებით დააკავეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
