თბილისში, 31 წლის ნიკოლოზ ლაჩაშვილმა ყოფილი ცოლი, 27 წლის მარიტა მაზიაშვილი ავტომობილში თოკით გაგუდა, მეორე დღეს კი, ნაქირავები მანქანით, გლდანის ხევში გადააგდო.
ნიკოლოზ ლაჩაშვილი ოჯახის წევრის მიმართ ჩადენილი განზრახ მკვლელობის ბრალდებით დააკავეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
მოკლული 27 წლის მარიტა მაზიაშვილის დედა საქართველოში შვილი მკვლელობის შემდეგ ჩამოვიდა.
ის წლების განმავლობაში იტალიაში ემიგრაციაში იმყოფებოდა
მოკლული გოგოს დედას ეჭვი აქვს, რომ ნიკოლოზ ლაჩაშვილს თანამზრახველი ჰყავდა, რადგან ცხედარს მარტო ვერ გადააადგილებდა.
„მე არ ვაპატიებ დედი, შემოგევლოს დედა, როგორ უნდა ვაპატიო. მაგას დაგეგმილი ჰქონდა, მოგიკვდეს დედა...“, - ამბობს მოკლული გოგოს დედა „ტვ პირველთან“.
