ურეკში ახალი პარკი იხსნება.მოეწყობა რეკრეაციულ სივრცე - ამის შესახებ ოზურგეთის მერმა, ავთანდილ თალაკვაძემ სხდომაზე განაცხადა.
„დაბა ურეკში - ე.წ. „რუსთავის აზოტის ყოფილი კოტეჯები“-ს 2 ჰა-მდე (18 625 კვმ) გადმოეცა ოზურგეთის მუნიციპალიტეტს. ურეკს ახალი ცენტრალური პარკი ექნება, ამ ტერიტორიაზე რეკრეაციულ სივრცეს მოვაწყობთ, სადაც ჩვენს მოქალაქეებს - ბავშვებს და უფროსებს სასიამოვნო გარემოში შეეძლებათ თავისუფალი დროის გატარება. ტერიტორიის კეთილმოწყობის მიზნით პროექტის შემუშავებას უახლოეს პერიოდში დავიწყებთ,“- განაცხადა ოზურგეთის მერმა, ავთანდილ თალაკვაძემ.