მარიამ შარმანაშვილს საზოგადოება უკვე კარგად იცნობს. ქართველი ფიტნეს ინსტრუქტორი სოფი ლორენის ვაჟის, კარლო პონტის საცოლეა.
ცნობილი დირიჟორი ქართველი შეყვარებულის სამშობლოს ხშირად სტუმრობს. ახალი წელი საქართველოში აღნიშნა, ასევე საყვარელ ქალთან და მის შვილთან ერთად ბათუმში გაატარა შვებულება.
ამჟამად მარიამი შვილთან ერთად იტალიას სტუმრობს და საყვარელ მამაკაცთან ერთად ცნობილ კურორტებს სტუმრობს. სოციალურ ქსელში ქალმა გამომწერებს ბედნიერების საიდუმლო გაუმხილა
მარიამ შარმანაშვილი:
- ვინც ამ სთორის ნახულობთ და ჯერ არასოდეს გიმოგზაურიათ, გული არ გაიტეხოთ, ყველაფერი წინ გაქვთ ჩემო მეგობრებო. ორი წლის წინ, პირადად მე რაც არ უნდა გასაკვირი იყოს, პასპორტიც კი არ მქონდა. არასოდეს მქონია ე.წ. ლაქშერული ცხოვრება.
პირიქით, ოცნება მოგზაურობაზე და კიდევ ბევრ რამეზე დიდი ხნის განმავლობაში აუხდენელ ოცნებებად მრჩებოდა. ოცნებებმა მანამ არ დაიწყო ახდენა, სანამ არ შევცვალე ერთი მნიშვნელოვანი დეტალი ჩემს აზროვნებაში - ჩემი წარმოდგენა საკუთარ იღბალზე.
დავიწყე იმის დაჯერება, რომ ვარ ძალიან იღბლიანი. თუ ყოველ დღე თქვენც ეტყვით სარკეში საკუთარ თავს, რომ იღბლიანი ხართ, სამყარო დაგიჯერებთ და მოგექცევათ ისე, როგორც იღბლიანს.
ამ ძალიან პირად დეტალს იმიტომ გიზიარებთ, რომ მინდა ჩემს გარშემო ადამიანებს უკეთესი მომავლის რწმენა გაგიჩნდეთ და ირწმუნოთ, რომ პოზიტიურად ფიქრს დიდი ძალა აქვს, მიყვარხართ.
