პირი, რომელიც "გირჩი - მეტი თავისუფლების“ ლიდერს ზურაბ ჯაფარიძეს, თავს დაესხა დაკავებულია. საქმეზე გამოძიება, სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
ჯაფარიძეს თავს გუშინ, გორში დაესხნენ. თავდასხმის შედეგად, "გირჩი - მეტი თავისუფლების" ლიდერმა, დაზიანება თვალის არეში მიიღო.
გავრცელებული ინფორმაციით, თავდასხმის მიზეზი, მისი ბოლოდროინდელი განცხადებებია საქართველოს კათოლიკოს- პატრიარქის მისამართით. ჯაფარიძე რამდენიმე საათის განმავლობაში პოლიციაში გამოკითხვაზე იმყოფებოდა.