როგორც ვიცით, საქართველოს 21-წლამდე ნაკრებმა
გუშინ ახალგაზრდული ევროპის ჩემპიონატის ჯგუფიდან გასვლა ოფიციალურად გაინაღდა, ჩვენი 1/4 ფინალური მეტოქე კი დღეს უნდა გაირკვეს.
აღსანიშნავია, რომ რამაზ სვანაძის გუნდისა და ხვიჩა კვარაცხელიას შესახებ გამოაქვეყნა პოსტი ქართველმა პოლიტიკოსმა ალეკო ელისაშვილმა, რომელმაც კვარას 21-წლამდე ევროპის ჩემპიონატისთვის ნათქვამ უარს ამპარტავნობა უწოდა:
"ხვიჩა კვარაცხელიას გადაფიჩინებული ქომაგი და მხარდამჭერი ვარ, მაგრამ 21 წლამდელებში რომ არ ითამაშა ეგ ძალიან არ მომეწონა."
"საქართველოს ნაკრებში, ნებისმიერ ასაკობრივ ნაკრებში თამაში არის ჩემი აზრით უდიდესი პატივი და ამ პატივზე უარი ამპარტავნება მგონია. ხვიჩა კვარაცხელია არ მინდა გაამპარტავნდეს." - დაწერა ელისაშვილმა
