ძლიერმა ქარმა და წვიმამ პრობლემები შექმნა ბათუმში. ინფორმაციას და ფოტოებს ადგილიდან ბათუმის მერია ავრცელებს.
,,ბათუმში სტიქიურად მოსული უხვი ნალექის შედეგად პრობლემები შეიქმნა რიგ ქუჩებზე.
ადიდდა მდინარეები, რამაც გამოიწვია არხებში ნატანის დაგროვება. ასევე ძლიერი ქარის გამო წაიქცა ხეები, რამაც ავტომობილები დააზიანა", - აღნიშნულია ინფორმაციაში.
ბათუმის მერიის ცნობით, უწყების ყველა სამსახური მობილიზებულია და 24 საათიან რეჟიმში მუშაობას განაგრძობს.