ზურიკო დავითაშვილს იტალიაში იწვევენ.
„ბორდომ“ მის ტრანსფერზე წინადადება მიიღო, ჟირონდელებს ფეხბხურთელის სანაცვლოდ ცხრა მილიონი ევრო შესთავაზეს, მაგრამ კლუბმა უარი თქვა – ინფორმაციას France Bleu Gironde ავრცელებს.
„წამყვან ფეხბურთელებთან კონტრაქტების გაფორმებით „ბორდოს“ ხელმძღვანელობამ ახალი სეზონისთვის გუნდის დაკომპლექტების მხრივ მნიშვნელოვანი ნაბიჯი გადადგა.
France Bleu Gironde-სთვის ცნობილი გახდა, რომ „ბორდოს“ დირექტორთა საბჭომ ქართველი ფეხბურთელის, 22 წლის ზურიკო დავითაშვილის ტრანსფერზე შეთავაზება მიიღო.
ზურიკოს კონტრაქტი „ბორდოსთან“ 2027 წლამდე აკავშირებს. ერთ-ერთმა იტალიურმა კლუბმა ფრანგებს ტრანსფერში ცხრა მილიონი ევრო შესთავაზა, მაგრამ „ბორდომ“ უარი თქვა. „ტრანსფერმარკტის“ მიხედვით, დავითაშვილის სატრანსფერო ღირებულება სამი მილიონი ევროა“, – წერს ვებ-გვერდი France Bleu Gironde-ი.