თბილისში, ძლიერმა წვიმამ პრობლემები შექმნა. დატბორილია ქუჩები და მიწისქვეშა გადასასვლელები, წაქცეულია ხეები, დაზიანებულია ელექტროსადენები.
თბილისის მერიის ინფორმაციით, მუნიციპალიტეტის ყველა შესაბამისი უწყება, შსს-ს საგანგებო სიტუაციების მართვის სამსახურთან ერთად, სრულად არის მობილიზებული და დაწყებულია პრობლემების აღმოფხვრა.
ამასთან, მერია მოქალაქეებს აფრთხილებს თავი შეიკავონ ქუჩებში გასვლისგან.
ძლიერი წვიმის გამო დაიტბორა საზოგადოებრივი ტრანსპორტიც.
