"მთავარი არხის“ დირექტორმა გიორგი გაბუნიამ ახალი სეზონის დაწყებასთან დაკავშირებით, საკუთარ არხს ვრცელი ინტერვიუ მისცა. გაბუნიამ ისაუბრა ნიკა გვარამიას დაკავების შემდეგ, ტელევიზიაში არსებულ რთულ მდგომარეობაზე და ასევე შეეხო პოლიტიკურ პარტიებს და "ნაცინალურ მოძრაობას "ვაი-ვუი“ უწოდა.
როგორც გიორგი გაბუნია აცხადებს, არხის სარედაქციო პოლიტიკა პარტიული გავლენისგან გათავისუფლდა და როდესაც ჟურნალისტებს განუცხადა, რომ ენმ-ს დავალებების შესრულება აღარ მოუწევდათ, ისინი ამ სიახლეს ტაშით შეხვდნენ.
არხის დირექტორის განცხადებას დღეს, ჟურნალისტი ეკა კვესიტაძე სოციალურ ქსელში გამოეხმაურა. მისი თქმით, უფრო ვრცელ და მკაფიო პასუხს, დირექტორს საღამოს, საკუთარი გადაცემის მონოლოგიდან გასცემს
"ჩემი ძალიან მოკლე რჩევა გიორგი გაბუნიას - ისევ პუტინს მიაწექი!
ვრცელ მკაფიო პასუხს ჩემთვის სრულიად მიუღებელ მის განცხადებებზე მოისმენთ ჩემი გადაცემის მონოლოგში. აი, ასე ვხნით ახალ სეზონს - დღეს 22:00 საათზე".- წერს ეკა კვესიტაძე.