სტამბოლში წყალდიდობა მოხდა. დატბორილია რამდენიმე რაიონი და სულ მცირე ორი ადამიანია დაღუპული.
სტიქიამ უმეტესად ქალაქის ჩრდილოეთ ნაწილი დააზარალა. "გზებზე მდინარეები მოდიოდა“, - წერს ადგილობრივი მედია.
ხელისუფლების წარმომადგენელთა განცხადებით, დაღუპულები ბაშაქშექირისა და ქუჩუქჩექმეჯის რაიონებიდან არიან. ხელისუფლება მოსახლეობას სიფრთხილის გამოჩენისკენ მოუწოდებს და ურჩევს, რომ არ გადაადგილდნენ მოტოციკლებით.
განსაკუთრებით რთული მდგომარეობა ქირქლარერის პროვინციაშია, სადაც ამ დრომდე ეძებენ ოთხ მოქალაქეს.
სინოპტიკოსები ქვეყნის დასავლეთ და სამხრეთ-დასავლეთ რეგიონებში კვლავ ნალექს ვარაუდობენ და მოსახლეობას მოსალოდნელი წყალდიდობის და ძლიერი ქარის შესახებ აფრთხილებენ.