მაროკოში მიწისძვრის შედეგად დაღუპულთა რიცხვმა 2 000-ს გადააჭარბა
მაროკოში მიწისძვრის შედეგად დაღუპულთა რიცხვი 2 012-მდე გაიზარდა. ამის შესახებ ინფორმაციას "ბიბისი" ავრცელებს.
ქვეყნის შინაგან საქმეთა სამინისტროს მონაცემებით, დაშავებულთა რაოდენობა ამ ეტაპზე 1 404-ს აღწევს.
ნანგრევებში მოყოლილთა გადასარჩენად სამძებრო-სამაშველო ოპერაციები უწყვეტ რეჟიმში მიმდინარეობს.
მეფე მუჰამედ VI-მ ქვეყანაში სამდღიანი გლოვა გამოაცხადა.
ცნობისთვის, მაროკოში 6.8 მაგნიტუდის სიმძლავრის მიწისძვრა 8 სექტემბერს, გვიან ღამით, ადგილობრივი დროით 23:11 საათზე, მოხდა.
მიწისძვრამ ყველაზე მეტად მარაკეში დააზიანა, რომელიც იუნესკო-ს მსოფლიო მემკვიდრეობის ძეგლთა სიაშია.
