თურქმა მამაკაცმა შვილი მოკლა და თვითმკვლელობა სცადა, რადგან რუსმა მეუღლემ განქორწინების შემდეგ მასთან დაბრუნებაზე უარი თქვა. SHOT-ის ცნობით, მამაკაცმა შვიდი წლის ბიჭს ექვსჯერ დარტყა დანა და ყელი გამოჭშრა. გულნატკენი დედა გამოძიებაში დახმარებას რუსეთის ხელისუფლებას სთხოვს, რადგან თურქეთში არც კი სჯეროდათ, რომ მამას შეეძლო შვილისთვის ზიანი მიეყენებინა.
"პოლიციას დავუკავშირდი, პროკურატურას მივმართე, მიპასუხეს: „როგორ შეიძლება ასე იფიქრო? მამა შვილს ზიანს არ აყენებს. სადღაც აუცილებლად გამოჩნდებიან და ბავშვს გადმოგცემთ“, - ამბობს მწუხარე დედა.
ბაშკირელი დამირა 10 წლის წინ დაქორწინდა თურქ მუსტაფაზე, საცხოვრებლად მერსინში გადავიდა და თარჯიმნად იმუშავა. წყვილს ვაჟი, მეჰმედ ნური შეეძინა. განქორწინების შემდეგ სასამართლომ შვილი დედასთან დატოვა, მაგრამ მამას უფლება მისცა, პერიოდულად წაეყვანა. დაახლოებით ერთი წლის წინ, ყოფილთან მამაკაცი მივიდა, ბავშვის ძალით წაყვანა სცადა, ცოლი სცემა და შვილის დახრჩობა დაიწყო. მერე პოლიცია მოვიდა და ბიჭის წაყვანის საშუალება არ მისცეს. ოფიცრები მამას ესაუბრნენ, მაგრამ შვილის ნახვა არ აუკრძალავთ.
ინციდენტის შემდეგ, თითქმის მაშინვე, მუსტაფა ციხეში გაგზავნეს თაღლითობისთვის. ის ცოტა ხნის წინ წავიდა "შვებულებაში" (თურქეთში კრიმინალებს, რომლებიც კარგად იქცევიან, დასასვენებლად ორი კვირით წასვლის უფლება აქვთ). ის კვლავ გამოცხადდა ყოფილ მეუღლესთან და შაბათ-კვირას წაიყვანა მეჰმედი, მაგრამ არ დააბრუნა. დედა შვილის პოვნას თავად ცდილობდა, რადგან პოლიციამ მის თხოვნას არ გამოეპასუხა. თანამშრომლებმა დედას დაურეკეს, როცა ბავშვი უკვე გარდაცვლილი იყო.
"ბავშვის დამოუკიდებლად მოძებნა ვცადე, ყველას დავურეკე, მაგრამ ვერ ვიპოვე. ჩემი შვილი გარდაიცვალა, ის საკუთარმა მამამ დანით მოკლა", - ამტკიცებს რუსი ქალი.
