გიორგი მამარდაშვილის "ვალენსია" მომავალი სეზონისთვის მზადებას აგრძელებს, ქართველი ფეხბურთელის გუნდი გუშინ "დორტმუნდს" დაუპირისპირდა და 3:1 დაამარცხა.
მამარდაშვილი ძირითად შემადგენლობაში იყო და მოედანზე 62 წუთი გაატარა, რა დროშიც 5 ბურთი მოიგერია და მხოლოდ 1 გოლი გაუშვა, ისიც პენალტიდან. მამარდაშვილის თამაში ესპანურ მედიაში შეაფასეს:
ElDesmarque: "სეზონს ისევე იწყებს, როგორც წინა ჩაამთავრა. საკუთარ თავში დარწმუნებული და გაუვალი კედელია."
Superdeporte: "მამარდაშვილი ყურადღებით იყო. ქართველმა კიპერმა გუნდი სამჯერ იხსნა. როისს, გერეროსა და აზარს გოლამდე ერთი ნაბიჯი დააკლდათ, თუმცა გიორგიმ და ხარიხამ "ვალენსია" გადაარჩინეს."
