ყვარლის, ლაგოდეხისა და თელავის მუნიციპალიტეტებში, ძლიერმა სეტყვამ, ქარმა და წვიმამ დასაკრეფად გამზადებული ვენახები დააზიანა.
განსაკუთრებით მძიმე მდგომარეობაა ყვარლის მუნიციპალიტეტის სოფლებში, სადაც უამინდობა თითქმის ნახევარ საათს გაგრძელდა.
ადგილობრივი მოსახლეობის ინფორმაციით, განადგურებულია მსხმოიარე ვენახები, ხეხილის ბაღები, საკარმიდამო ნაკვეთები და გადახდილია საცხოვრებელი სახლების სახურავები.
რა ოდენობის ზიანი მიადგა მუნიციპალიტეტებს, ზარალის დამთვლელი კომისიები, აღწერას ხვალიდან დაიწყებენ.
