სიახლეების ხაზი
შემოგვიერთდით
  • "მამის გარდაცვალების ამბავი ტაქსიში, რადიოთი გავიგე" - ანნა ბაკურაძე

    "მამის გარდაცვალების ამბავი ტაქსიში, რადიოთი გავიგე" - ანნა ბაკურაძე
    4 თვის და 1 კვირის უკან
    Aa Aa
    გაზიარება:

    უკვე ერთი წელი გავიდა, რაც მომღერალი, ზურა ბაკურაძე, ტრაგიკულად გარდაიცვალა. როგორც გარდაცვლილის ქალიშვილი, ანნა ბაკურაძე ჟურნალ "თბილისელებთან" იხსენებს, მამის გარდაცვალების შესახებ ამბავი ტაქსიში გაიგო...

    "სამწუხაროდ, ასე მოხდა. ყველა ცდილობდა, პირველს ეთქვა. მათიც მესმის, რეიტინგის თუ ინფორმაციის გავრცელების გამო ხდება ხოლმე ასე, მაგრამ მაინც მგონია, რომ როცა ასეთი ამბავია, ოჯახს უნდა მისცე საშუალება გაიგოს, გაიაზროს და ერთი საათის მომხდარი ამბავი საჯაროდ არ უნდა გამოცხადდეს. არავინ ვიყავით დაზღვეულები, რომ ეს ამ ფორმით გაგვეგო და ასეც მოხდა. შვილმა მამის გარდაცვალების შესახებ ტაქსიში, რადიოთი გავიგე.

    როგორც ვიცი, დედას დაურეკეს და ჰკითხეს, რა ხდებაო? დედამაც არაფერი იცოდა, მერე „ფეისბუქზე“ შევიდა და იქ უკვე ყველაფერი აჭრელებული იყო ამ ამბით. მანამდე საერთოდ ვერ ვაზროვნებდი, მაგრამ დედაჩემის სახე რომ დავინახე, იმ დროიდან დავიწყე ფიქრი. მივხვდი, რომ ცხოვრება გრძელდება და მისთვის და ჩემი ძმისთვის ღირდა არსებობა."
    - ამბობს ანა.