თბილისის მერია უსახლკაროს სტატუსის მქონე ოჯახებისთვის ბინების შესყიდვის პროცესს განაგრძობს.
ეს ინფორმაცია თბილისის მერმა, კახა კალაძემ განაცხადა.
კახა კალაძის ცნობით, პროგრამის ამოქმედებიდან დღემდე, ჯამში 53 ბინაა შესყიდული. ასევე, მომდევნო წლების განმავლობაში, უსახლკაროს სტატუსის მქონე ყველა ოჯახი ბინით დაკმაყოფილდება:
“მინდა, მოსახლეობას მივაწოდო ინფორმაცია უსახლკაროთა საცხოვრებელებით უზრუნველყოფის პროგრამის შესახებ, რომელიც წარმატებით მიმდინარეობს. 53 ბინა არის შეძენილი და ხდება ამ ოჯახების საცხოვრებელი ფართებით დაკმაყოფილება", - ამბობს თბილისის მერი.
