“საომარ მოქმედებებს ღაზას სექტორში სულ მცირე 7 ჟურნალისტი ემსხვერპლა” – CNN

საომარ მოქმედებებს ღაზას სექტორში სულ მცირე 7 ჟურნალისტი ემსხვერპლა – ამის შესახებ ინფორმაციას CNN ავრცელებს.

მედიის ცნობით, ეს რიცხვი შეიძლება კიდევ გაიზარდოს უახლოეს დღეებში, რადგან ისრაელი ახორციელებს საპასუხო დარტყმებს ჰამასის წინააღმდეგ, ხოლო ტერორისტული ჯგუფი აგრძელებს შეტევას ებრაული სახელმწიფოს წინააღმდეგ.

ღაზის სექტორიდან ჰამასის ისრაელზე მოულოდნელი თავდასხმა 7 ოქტომბერს, ადგილობრივი დროით დილის 7 საათზე დაიწყო, როცა ისრაელის მიმართულებით ტერორისტებმა ასობით რაკეტა ისროლეს, პარალელურად კი სამხრეთით მდებარე ქალაქებში შეიჭრნენ.