"რაც 2018-ში მე და ჩემმა ოჯახმა გავიარეთ... ყველაზე მეტი დარტყმა ჩემს ნინიზე იყო, ბოდიში, ვისაც მოგიწოდებდით მისთვის ხმა მიგეცათ" - ზურა ხაჩიზე სოციალურ ქსელში პოსტს აქვეყნებს და ბოდიშს უხდის იმ ადამიანებს, ვისაც მოუწოდა რომ პრეზიდენტ სალომე ზურაბიშვილისთვის ხმა მიეცათ.
"2018 წელს, სალომეს საპრეზიდენტო არჩევნებზე რაც მე და ჩემმა ოჯახმა გავიარეთ, წყევლა, მუქარა, შეურაცხყოფა, ამას მტერსაც არ ვუსურვებ! ყველაზე მეტი დარტყმა ჩემს ნინიზე იყო, ამოიღეს მიზანში და ყველას კარგად გემახსოვრებათ რა ჯოჯოხეთი გაატარეს, ამ სიტყვის სრული მნიშვნელობით. ლანძღვა, მუქარა, წარმოუდგენელი ბულინგი და დამცირება, ეს იყო ჩვენი 24 საათიანი რეჟიმი.
სალომეზე მეტად ჩვენ დავზარალდით, თან მიუჩვევლები, მარტო სიყვარულს რომ ვიღებდით მთელი ცხოვრება. ( სალომეს ელემენტარული მადლიერებაც კი არ გამოუხატავს ჩვენს მიმართ) მისი არჩევნები იყო, როდესაც გასტროლები მქონდა ამერიკაში, კერძოდ, ფილადელფიაში და მისი გვერდში დგომისთვის ყველაზე მწარედ იქ დავისაჯე. (დეტალებში აღარ შევალ) არ მიჭირს შეცდომის აღიარება და მინდა ბოდიში მოგიხადოთ, უკლებლივ ყველას, ვისაც მოგიწოდებდით არჩევნებზე მისთვის ხმის მიცემას…
პ.ს. 2018 წლის არჩევნებზე, რომ იწყება ლაპარაკი, ტანში მზარავს, გახსენებაც კი არ მინდა, რაც ჩემმა ოჯახის თითოეულმა წევრმა გაიარა. ეს იყო ჩვეულებრივი წამება! ჩვენ, ადამიანებს, რომელიც სიყვარულს გავცემთ და ამას ვიღებდით თითოეული ჩვენი მსმენელისგან გაასმაგებულად, ამ პერიოდმა ეს წაგვართვა და დიდი შავი ლაქა დატოვა ჩვენს ცხოვრებაში და კარიერაში…" - წერს მომღერალი.