საქართველოს ეროვნული გმირის, გიორგი ანწუხელიძის ბიუსტი მის მშობლირ სოფელ ალვანში ანწუხელიძის შვილებმა გახსნეს.
ბიუსტის გახსნა, ახმეტის მუნიციპალიტეტის სოფელ ქვემო ალვანში, ეროვნული გმირის ხსოვნისადმი.მიძღვნილი კვირეულის ფარგლებში მოხდა.
გიორგი ანწუხელიძისათვის ბიუსტის დადგმის ინიციატივა , თუშეთის განვითარების ფონდს ეკუთვნის, რომელმაც შესაბამისი თანხა სხვადასხვა გზებით, მათ შორის, ადგილობრივი მოსახლეობის შემოწირულობებით შეაგროვა.
„დღევანდელი დღის მთავარი მოვლენაა გიორგი ანწუხელიძის ბიუსტის გახსნა, იქნება თუშური, ცხენზე ამხედრებული მამაკაცების დალაობა, ანუ დატირება, რომელიც სწორედაც ასეთ ვაჟკაცებს ეძღვნება. ასევე დღის განმავლობაში კულტურის სახლის ეზოში, სხვადასხვა ტიპის ღონისძიებები უნდა გაიმართოს, სპორტული, კულტურული, შემეცნებითი,აქ იქნებიან, მწერლები, სამხედრო პირები, ანწუხელიძის მეგობრები, რომლებიც მას გაიხსენებენ" - განაცხადა ფონდის ხელმძღვანელმა რატი კოჭლამაზაშვილმა.
ფონდის გადაწყვეტილებით, ბიუსტისათვის შეგროვილი თანხიდან დარჩენილი ფინანსები, გიორგი ანწუხელიძის სახელობის სპორტული დარბაზისათვის ინვენტარის შეძენას მოხმარდება.
გიორგი ანწუხელიძის ხსოვნისადმი მიძღვნილი კვირეული, სოფელ ქვემო ალვანში, ქ ყოველწლიურად, ოქტომბრის თვის ბოლო კვირას ტარდება
