91 ასაკში მსახიობი თენგიზ არჩვაძე გარდაიცვალა. ამის შესახებ ინფორმაციას კოტე მარჯანიშვილის სახელობის თეატრი ავრცელებს.
თეატრთმცოდნე ნიკოლოზ წულუკიძე თენგიზ არჩვაძის გარდაცვალებას სოციალურ ქსელში ეხმაურება და მასთან ბოლო ინტერვიუს იხსენებს.
„თენგიზის ბოლო ინტერვიუ და ჩემი ტრაგედიის შემდეგ პირველი შეხვედრა მასთან, მხარზე მოჭერილი ხელი, დუმილი.. და ძლივს წარმოთქმული ერთი ფრაზა, უნდა გააგრძელო, არ გაჩერდე..
უფრო დიდი ზნეობრივი მაგალითი კაცობისა თითქმის არ მახსენდება, ზნეობრივი კოდექსის უმაღლესი თამასა და ინდიკატორი.
დიდი კაცი წავიდა, სიტყვა კა ცის მნიშვნელობის განმსაზღვრელი." - წერს წულუკიძე