„უკრაინას აქვს უფლება მოკლას პუტინი“, - ასე უპასუხა უკრაინის პრეზიდენტმა ვოლოდიმირ ზელენსკიმ ჟურნალისტის კითხვაზე- გამოიყენებდა თუ არა უკრაინა პუტინის მოკვლის შანსს, თუ ამის შესაძლებლობა ექნებოდა.
„ეს ომია და უკრაინას სრული უფლება აქვს დაიცვას თავი და საკუთარი მიწა“, - თქვა ზელენსკიმ The Sun-თან ინტერვიუში.
ასევე, ბრიტანულ მედიასაშუალებასთან საუბარში ზელენსკიმ ხაზი გაუსვა , რომ რუსეთის ფედერაციასთან სრულფასოვანი სამშვიდობო მოლაპარაკებების დაწყება მხოლოდ უკრაინის ტერიტორიიდან რუსული არმიის გაყვანის შემდეგ იქნება შესაძლებელი.
„ახლა, რუსეთის ფედერაციასთან ერთ მაგიდასთან დასხდომა, შეუძლებელია“, - აცხადებს ზელენსკი.
ამასგარდა, ზელენსკიმ ინტერვიუში განაცხადა , რომ ომის დასრულებამდე არ არის მომხრე, უკრაინაში საპრეზიდენტო არჩევნები ჩატარდეს.
წყარო: პრაიმტაიმი
