ბორჯომის მუნიციპალიტეტში, სოფელ ქვაბისხევთან ავტოსაგზაო შემთხვევა მოხდა.
ახალციხე-თბილისის სამარშრუტო ტაქსი, რომელიც ახალციხიდან თბილისის მიმართულებით მოძრაობდა, გზის სავალი ნაწილიდან გადავიდა და გადაბრუნდა.
აღნიშნულ ინფორმაციას "ტვ ბორჯომი" ავრცელებს.
არსებული ინფორმაციით, ტრანსპორტში დაახლოებით 14 მგზავრი იმყოფებოდა.
დაშავებულია 7 ადამიანი, რომლებიც ადგილობრივ სამედიცინო ცენტრში გადაიყვანეს, მსუბუქი დაზიანებებით.
მომხდარზე გამოძიება, 276-ე მუხლის მეორე ნაწილით მიმდინარეობს.
