თბილისის ვაკის მაცხოვრის ფერისცვალების სახელობის ტაძრის წინამძღვარი მამა შალვა კეკელია მარიტა მეფარიშვილის შესახებ საუბრობს. მარიტა ის 13 წლის თავგანწირული ბავშვია, რომელიც ვაკის პარკის შადრევანში ბურთის ამოსატანად ჩასულ 2 მოზარდის საშველად შადრევანში ჩავიდა. შადრევანი ამ შემთხვევის წინა დღეს თავად კახა კალაძემ გახსნა საზეიმოდ.
საქმეზე 9 პირია დაკავებული, მათ შორის, მერიის თანამშრომელი.
დაკავებულებს პროკურატურამ ბრალი 19 ოქტომბერს წარუდგინა სამსახურებრივი, ასევე, საწარმოში ჩადენილი გულგრილობის, სამუშაოს წარმოებისას უსაფრთხოების წესის დარღვევის, რამაც ადამიანის სიცოცხლის მოსპობა გამოიწვია, და ყალბი ოფიციალური დოკუმენტის დამზადების, დამზადებაში წაქეზების, გამოყენების და გასაღების ფაქტებზე.
