სერია A-ს პრეზიდენტმა ლორენცო კასინიმ განაცხადა, რომ თუ იტალიაში ასეთი ცხელი ამინდები შენარჩუნდება, დიდი ალბათობით, ჩემპიონატის სტარტის გადადება მოუწევთ.
იტალიის სერია A-ს 2022/23 წლების სეზონი, წესით, 13 აგვისტოს უნდა დაიწყოს, იტალიაში კი ახლა საშუალო ტემპერატურა 36 გრადუსს აღწევს.
კასინიმ თქვა, რომ მომავალი სეზონი ისედაც ანომალიური იქნება, რადგან ზამთარში მუნდიალი უნდა გაიმართოს, თუმცა, თუ ქვეყანაში ცოტა არ აგრილდება და ტემპერატურა არ დაიწევს, ფეხბურთის თამაში უბრალოდ შეუძლებელი იქნება.
