ალერგოლოგ-იმუნოლოგი ბიძინა კულუმბეგოვი 2023 წელს აჯამებს და სოციალურ ქსელში წერს, რომ გასული წელი მისთვის ყველაზე მძიმე წელი იყო.
„ყველაზე მძიმე წელი იყო 2023 ჩემი და ჩემი ოჯახის ცხოვრებაში…სამწუხაროდ ის ვერასოდეს დასრულდება ჩვენს მეხსიერებაში…
ვისურვებდი ის წელი დარჩეს ყველაზე ცუდად ჩვენს ცხოვრებაში და 2024 წელი იყოს მცირედით უკეთესი მაინც!
ბედნიერ 2024 წელს გისურვებთ!“, – წერს ბიძინა კულუმბეგოვი.
შეგახსენებთ, 3 სექტემბერს, საღამოს, ხონის მუნიციპალიტეტში, კინჩხაში, ოკაცეს კანიონის მიმდებარე ტერიტორიაზე ტრაგედია დატრიალდა. დაიღუპა 35 წლის ავთო კულუმბეგოვი, რომელიც ალერგოლოგ ბიძინა კულუმბეგოვის ძმაა. ავთო კულუმბეგოვი კანიონის მიმდებარე ტერიტორიაზე მეგობართან და უცხოელ ტურისტებთან ერთად იმყოფებოდა.
