59 წლის ასაკში მომღერალი კაკული გურიელაშვილი გარდაიცვალა.
საქართველოზე უზომოდ შეყვარებული კაკული წლების განმავლობაში ისრაელში ცხოვრობდა.
“ოჯახში ქართულად ვსაუბრობთ. ქართულ კერძებს ვამზადებთ, ქართულ სადღეგრძელოებს ვამბობთ, ქართულ ფოლკლორულ სიმღერებს ვასრულებთ. ქართულ სტუმართმოყვარეობას ვასწავლი შვილიშვილებს. ებრაელებს კაცობის დღე გვაქვს და ამ დღეს შვილიშვილებს ჩოხით ვაცეკვებთ. მეფე-დედოფალი დაისით იწყებს ცეკვას. ეს ქართული ტრადიციებია. თუმცა, მგონია, ყველაზე მნიშვნელოვანი ქართული ენის, ქართული სითბოსა და სიყვარულის შენარჩუნებაა. ჩემმა შვილებმაც ქართული ოჯახები შექმნეს, ქართველი რძლები მყავს”, – ჰყვებოდა ერთ-ერთ ინტერვიუში მომღერალი.
პროდიუსერი გია გოგორიშვილი “პრაიმტაიმთან” ყვება რომ ძლიერი ტკივილების მიუხედავად, კაკული კონცერტებზე მაინც გამოდიოდა.
“კაკულიმ იავადმყოფა. მძიმე სენს ებრძოდა, წონაში საგრძნობლად დაიკლო. თუმცა, იმედი გვქონდა მაინც, მაგრამ… ისე მედგრად იყო, ტკივილებს ებრძოდა ვაჟკაცურად. ტკივილებით კონცერტებზეც გამოდიოდა.
ბოლო წელიწად-ნახევარი განსაკუთრებით დიდ ბრძოლაში იყო სენთან და ტკივილებთან, მაგრამ გასტროლებზე დადიოდა.” – ამბობს გოგორიშვილი “პრაიმტაიმთან”.
წყარო: prime time.he
