NBA-ის ქართველი წევრი, ყველასთვის საყვარელი კალათბურთელი, ზაზა ფაჩულია სოციალურ ქსელში აქტიურობით არ გამოირჩევა, თუმცა ცოტა ხნის წინ პან პოსტი გამოაქვეყნა, რომელშიც შვილებთან ურთიერთობისა და კარიერის შესახებ ორიოდე სიტყვით მოუყვა საზოგადოებას:
„შვილებთან ურთიერთობას განსაკუთრებულს მათზე დაკვირვება და იმის დანახვა ხდის, როგორ სწავლობენ, იზრდებიან და უმკლავდებიან სირთულეებს.
ვცდილობ, პარკეტზე მათთან ერთად ხშირად ვიყო, გავუზიარო გამოცდილება და ამასთან ერთად, დავანახვო, რომ დარბაზში გატარებულ ყოველ წუთს მოფრთხილება სჭირდება. ყოველი დღე და ვარჯიშზე მისვლა ახალი შანსია, გავხდეთ უკეთესები, როგორც სპორტსმენები და როგორც ადამიანები,“ – წერს ის.
