საზარელი სტიქია მოხდა ბაღდათში. გუშინ ღამით ამინდის გაუარესების ფონზე მეწყერი ჩამოწვა, რომელმაც 4 სახლი მტლიანად ჩაიტანა და რამდენიმე ადამიანის სიცოცხლე იმსხვერპლა.
"ამ დროისთვის ინტენსიური ძებნა-შველის ღონისძიების შედეგად ნანახია 4 ადამიანის ცხედარი. მიმდინარეობს 5 დაკარგულის ძებნა-შველის ღონისძიება. სამუშაოებში ჩართულია 200-ზე მეტი მეხანძრე-მაშველი, კინოლოგიური ჯგუფი, ტექნიკის მობილიზება ხდება დამატებით, ასევე ინტენსიურად ვაგრძელებთ მუშაობას, სანამ ყველა არ იქნება ნანახი
ერთ ოჯახს ეძებენ ამ დროისთვის, მამა და სამი შვილი. სამივე ბავშვი ჩემი მოსწავლეები არიან. ტყუპი დები და ერთი ბიჭი. ვაჟი მეთერთმეტეკლასელია, გოგონები მეცხრე კლასში არიან. მეც ამ სოფელში ვცხოვრობ, ჩემი მეზობელია ეს ოჯახი.
ძლიერი ქარიშხალი იყო, დამტვრეულია ყველაფერი, ხეები, ღობეები, არაფერი გვივარგა ეზოში. ღამის ორის ნახევარი იქნებოდა ტყიდან საშინელი გუგუნი გავიგეთ, რას ვიფიქრებდით, მიწა თუ მოწყდებოდა. სამ ოჯახს გადაუარა მეწყერმა. მთელი უბანი გარეთ ვიყავით, დილას შემოვედი სახლში. სამაშველოები მოვიდნენ, საირმიდან ჩამოიტანეს ტექნიკა, დრონები გაუშვეს. ორი ოჯახი იპოვეს და მესამე ვერა, ჯერჯერობით, არ ჩანან. რამდენჯერ დავრეკეთ წუხელ და არც ცოცხლები ჩანან და არც გარდაცვლილები.
მეხუთე კლასში იყვნენ გოგონები, იტალიაში რომ წავიდა, მეზობლები ვართ და ხშირად მწერდა ხოლმე. მათი სახლის სახურავი მდინარის მეორე ნაპირზე გდია, ვერც ცოცხლებს პოულობენ, ვერც გარდაცვლილებს, გასწორებულია მაგათი ეზო მიწასთან. ისეთი კარგი ბავშვები იყვნენ, მაგათით მიხაროდა სკოლაში შესვლა."
ვრცელდება ინფორმაცია.