მსახიობ სოსო ჯაჭვლიანის გარდაცვალების გამო მწუხარება თბილისის მერმა, კახა კალაძემ გამოთქვა.
სამძიმრის წერილს კახა კალაძე სოციალურ ქსელში აქვეყნებს და წერს, რომ ქვეყანას მრავალმხრივი ნიჭით დაჯილდოებული ადამიანი დააკლდა.
“დაგვტოვა სოსო ჯაჭვლიანმა – თავის სამშობლოზე, სვანეთზე, სპორტსა და კინოხელოვნებაზე შეყვარებულმა კაცმა.
მრავალმხრივი ნიჭით დაჯილდოებული კაცი დააკლდა თავის ქვეყანას.
მთელი გულით ვიზიარებ სოსო ჯაჭვლიანის ოჯახის, ახლობლების მწუხარებას ამ დიდი დანაკარგის გამო“, – წერს კახა კალაძე.
