“ნაპოლის“ მთავარმა მწვრთნელმა, ფრანჩესკო კალცონამ ხვიჩა კვარაცხელია კვლავ ძირითად შემადგენლობაში დააყენა “კალიასთან“ შეხვედრაში, რომელთანაც ნეაპოლელებმა გამარჯვება ხელიდან ბოლო წამზე გაუშვეს – 1:1.
“ბარსელონასთან“ მომხდარი ინციდენტის გამო, იტალიურ მედიაში ამტკიცებდნენ, რომ “ნაპოლის“ ახალი მწვრთნელი ქართველ თავდამსხმელს დასჯიდა და სერია A-ს 26-ე ტურის გასვლით დაპირისპირებაში სასტარტო თერთმეტეულში არ ათამაშებდა.