რამდენიმე თვის წინ, საქართველოს მესამე პრეზიდენტი მიხეილ სააკაშვილი რუსთავის ციხეში მისმა ძმისშვილმა ელენე სააკაშვილმა მოინახულა.
ახლა სწორედ ელენე სააკაშვილზე გიამბობთ.
მიხეილ სააკაშვილის ორი ძმა ჰყავს, დავითი და გიორგი, რომლებიც ნიკოლოზ სააკაშვილს მეორე ქორწინებიდან შეეძინა.
გიული ალასანიასთან განქორწინების შემდეგ, ექსპრეზიდენტის მამა მეორედ სვეტლანა სააკაშვილზე დაქორწინდა.
ელენე დავითის უფროსი ქალიშვილია, მას კიდევ ორი და ანასტასია და ნინია ჰყავს.
ელენე სააკაშვილი დაიბადა და გაიზარდა თბილისში. შემდეგ წავიდა აშშ-ში, სადაც ჯორჯ ვაშინგტონის უნივერსიტეტში პოლიტიკის მეცნიერებისა და საერთაშორისო ურთიერთობების ფაკულტეტზე სწავლობდა.
ამჟამად, ერთ-ერთ კვლევით ცენტრ Atlas Network-ის თანამშრომელია და კომპანიის განვითარების მენეჯერად მუშაობს.
ელენე სააკაშვილს კარგი ურთიერთობა აქვს ყოფილ პირველ ლედისთან სანდრა რულოვსთან.