საქართველოს ნაკრების 21 წლის ფეხბურთელი, ხვიჩა კვარაცხელია "ნაპოლიში" თამაშს გენიალურად იწყებს.
ახალგაზრდა ფეხბურთელმა იტალიური გუნდის მაისურით ჩატარებულ 3 შეხვედრაში 3 გოლი გაიტანა და 2 საგოლე გადაცემა შეასრულა.
ხვიჩას შესახებ გავლენიანმა ჟურნალისტმა, ანგელო პომპამეომ ისაუბრა:
"კვარაცხელია არის ფეხბურთელი, რომელსაც შესანიშნავი ტექნიკა აქვს და შეუძლია, მეტოქის საჯარიმოს ცენტრალურ ნაწილში პასები განახორციელოს, რაც ოსიმენს შანსს აძლევს. ქართველი არაპროგნოზირებადია, დარტყმაზეა მიმართული და ორივე ფლანგზე შესანიშნავად თამაშობს." - აცხადებს იტალიელი ჟურნალისტი.