„დედა წვიმასა და ქარში გარეთ იდგა და მიყურებდა, როგორ ვთამაშობდი ფეხბურთს…“ - ბუდუ ზივზივაძე პირადსა და ოჯახზე

გუშინ საქართველომ ლუქსემბურგი 2:0 დაამარცხა.

ორივე გოლი ბუდუ ზივზივაძეს ეკუთვნოდა.

გთავაზობთ ბუდუს ინტერვიუს, რომელშიც ის ოჯახსა და პირადზე საუბრობს:

„ჩემი მშობლები ყოველთვის გვერდში მედგნენ. დედას დავყავდი ვარჯიშებზე, წვიმა იყო თუ ქარი. მაშინ ქუთაისში არ იყო ისეთი კარგი პირობები, რომ სითბოსა და გადახურულში მდგარიყო. ცუდ ამინდებშიც კი იდგა გარეთ და იქიდან მიყურებდა. მამა მუშაობდა და დედა იყო ორიენტირებული ამ თემებზე. დედაჩემის ძალიან დიდი დამსახურებაა ჩემს საფეხბურთო კარიერაში. მისი ძალიან დიდი მადლიერი ვარ“