ისრაელის პრემიერ-მინისტრმა, ბენიამინ ნეთანიაჰუმ განცხადა, რომ ისინი მზად არიან ნებისმიერს დაარტყან, ვინც მათ დაარტყამთ.
“ჩვენ დავიცავთ თავს ყოველგვარი საფრთხისგან და ამას გავაკეთებთ ცივსისხლიანად და მტკიცედ“, - აღნიშნა ისრაელის მთავრობის მეთაურმა.
ისრაელის თავდაცვით ძალებში დაადასტურეს, რომ ირანმა ისრაელის წინააღმდეგ დრონების გამოყენებით თავდასხმა დაიწყო
“ცოტა ხნის წინ ირანმა თავისი ტერიტორიიდან ისრაელის სახელმწიფოს ტერიტორიის მიმართულებით უპილოტო საფრენი აპარატები გაუშვა“, - ნათქვამია თავდაცვითი ძალების განცხადებაში.
ისრაელის არმიაში ხაზგასმით აღნიშნეს, რომ ყველა სამიზნეს აკონტროლებენ.
ამერიკულმა ტელეკომპანია CBS News-მა გასულ კვირას ამერიკულ ოფიციალურ წყაროებზე დაყრდნობით ინფორმაცია გაავრცელა, რომ ისრაელი და აშშ დარწმუნებულნი არიან, რომ სირიაში ირანის საკონსულოზე სარაკეტო დარტყმის შემდეგ, ირანი ისრაელის წინააღმდეგ საპასუხო ზომებისთვის ემზადება.