მომღერალი მამუკა ონაშვილი სიონის საკათედრო ტაძრიდან ახლობლებმა, მეგობრებმა და კოლეგებმა ტაშით გააცილეს.
მომღერალს მახათას მთაზე, ახალ პანთეონში დაკრძალავენ.
დღის განმავლობაში მომღერალს პატივი მიაგეს სხვადასხვა სფეროს წარმომადგენლებმა. დღეს პანაშვიდზე იმყოფებოდნენ საპარლამენტო უმრავლესობის წევრები და პარლამენტის თავმჯდომარე შალვა პაპუაშვილი.
მამუკა ონაშვილი ავარიას ემსხვერპლა, მომღერალი მძიმე დაზიანებებით კლინიკაში გარდაიცვალა.
