სიახლეების ხაზი
შემოგვიერთდით
  • "შემოვიდნენ თავიდან მოკრძალებით, მერე 2008 გაიხსენეთო" - რას წერს ისტორიკოსი რუს ტურისტებზე

    "შემოვიდნენ თავიდან მოკრძალებით, მერე 2008 გაიხსენეთო" - რას წერს ისტორიკოსი რუს ტურისტებზე
    1 კვირის და 3 დღის უკან
    Aa Aa
    გაზიარება:

    ისტორიკოსი, ბუბა კუდავა საქართველოში რუსი ტურისტების სიმრავლეს ეხმაურება.

    "შემოვიდნენ თავიდან "მოკრძალებით", უკრაინისდროშიანი პინებით და სამაჯურებით, ხანაც ინგლისური გამოსაუბრებებით.

    მერე ნელ-ნელა მოიხსნეს, მშობლიური ენაც ამოიდგეს, წელშიც გასწორდნენ, სერვისიც დაიწუნეს, ხმასაც აუწიეს, უკრაინული მუსიკაც იხამუშეს.

    ერთი რეგულაცია იუკადრისეს, ხომალდისთვის გეზის მიმცემი სლოგანით აღშფოთდნენ... და დაირაზმნენ, და დაუშინეს, და იმუქრეს, და ამოალაგეს დროებით ჩამალულ-ჩაკუჭულები. გადაგწვავთო, ჩვენი მიწააო, 2008 გაიხსენეთო.

    თან ეს ხალხი აქ ცხოვრობს, აქ, დასეირნობს უწყინრად, რუსთაველზე, ვერა-ვაკე-მთაწმინდაზე და გულში რეებს აღარ იხვევს, დახეთ ერთი.

    მადლობა ჩრდილოელებო! ისევ თქვენ თუ შეგვაფხიზლებთ, თქვენ თუ ამოგვიქექავთ კარგად დავიწყებულებს, ისევ თქვენ, ისევ თქვენ. 2 საუკუნეზე მეტია ასეა: ჩაგვთვლემს თუ არა, გაბიჟვინებულ სიფათზე დაბიჯებული თქვენი ჩექმის სიმძიმე გვაღვიძებს.

    არ იცვლებიან ხალხო, არა, არა და არც შეიცვლებიან, ვიდრე ერთხელ, ორჯერ და კიდევ ბევრჯერ მწარედ არ დამარცხდებიან! ვიდრე სამშობლოსა და სიმართლისთვის მებრძოლები კუდით ქვას არ ასროლინებენ.

    ასეთია არა მარტო ჩვენი და მაგათი, არამედ მთელი კაცობრიობის გამოცდილება. დედაენის ბარი, მადლობა, მადლობა! გეწვევით პირველივე შესაძლებლობისთანავე", - წერს კუდავა.

    FACEBOOK კომენტარები
    მსგავსი სიახლეები