"ევროპული საქართველო, არჩევნების გაყალბების მცდელობის მიუხედავად, 52%-ით იმარჯვებს" - ზურაბიშვილი

ტელეკომპანია “ფორმულას“ დაკვეთით შესრულებული ეგზიტპოლის შედეგების მიხედვით 5%-იან საარჩევნო ბარიერს 5 პოლიტიკური სუბიექტი ლახავს.

ამის შესახებ საქართველოს პრეზიდენტი, სალომე ზურაბიშვილი შემდეგ კომენტარს აკეთებს:

"ევროპული საქართველო, არჩევნების გაყალბების მცდელობის მიუხედავად და დიასპორის ხმების გარეშე, 52%-ით იმარჯვებს... საქართველომ აჩვენა დემოკრატია, ევროპულობა და სიმწიფე.. ვამაყობ და დარწმუნებული ვარ ჩვენს ევროპულ მომავალში."

შეგახსენებთ ეგზიტპოლის შედეგებს:

(#41) “ქართული ოცნება“ - 40,9 %

(#5) “ერთიანობა - ნაციონალური მოძრაობა“ – 16, 7 %

(#4) “კოალიცია ცვლილებისთვის“ - გვარამია, მელია, გირჩი, დროა - 16, 7 %

(#9) “ძლიერი საქართველო“ - ლელო, ხალხისთვის, თავისუფლებისთვის!“ - 10, 3 %

(#25) “გახარია საქართველოსთვის“ - 8,2 %

(#8) “საქართველოს პატრიოტთა ალიანსი“ - 2%;

(#10) “საქართველოს ლეიბორისტული პარტია“ - 2%;

(#36) “გირჩი“ -2,3%;

სხვა პარტიები - 0,9%.