ქვეყანაში განვითარებული მოვლენების ფონზე, საქართველოს სხვადასხვა უმაღლესი სასწავლებელი მიმართვას ავრცელებს და აცხადებს, რომ დროებით, სასწავლო პროცესს აჩერებს.
უნივერსიტეტები ეხმიანებიან მთავრობის გადაწყვეტილებას – 2028 წლამდე შეწყვიტოს ევროკავშირთან მოლაპარაკებები და აცხადებენ, რომ საქართველოს ევროპულ პერსპექტივაზე უარის თქმას ემიჯნებიან.
აღნიშნულ უნივერსიტეტებს შორის არის კავკასიის უნივერსიტეტი, რომლის მიერ სასწავლო პროცესის შეჩერებასთან დაკავშირებით ინფორმაციას ავრცელებენ უნივერსიტეტის სტუდენტები. მათ სასწავლო პროცესის შეჩერებასთან დაკავშირებით განცხადება მიუვიდათ:
“გაცნობებთ, რომ ქვეყანაში განვითარებული მოვლენების ფონზე, სასწავლო პროცესი დროებით შეჩერებულია“, – აღნიშნულია უნივერსიტეტის მიერ სტუდენტებისთვის გაგზავნილ განცხადებაში.
სწავლის შეწყვეტასთან დაკავშირებით სოციალურ ქსელი ავრცელებს მიმართვას საქართველოს უნივერსიტეტიც:
“არის ქვეყნის ცხოვრებაში მომენტები, როცა ყველაფერი გვერდზე უნდა გადასდო”
ქვეყანაში შექმნილი ვითარებიდან გამომდინარე, ვწყვეტთ სწავლას.
გვჯერა, რომ დღეს ყველას უპირველესი მოვალეობაა საქართველოს დაბრუნება ევროპული მომავლის გზაზე“, – აღნიშნულია უნივერსიტეტის მიერ გავრცელებულ ინფორმაციაში.
29 ნოემბრის 17:00 საათიდან სასწავლო პროცესს აჩერებს სულხან-საბა ორბელიანის უნივერსიტეტიც:
“სულხან-საბა ორბელიანის უნივერსიტეტში, 29 ნოემბერს, 17:00 საათიდან სასწავლო პროცესი შეჩერებულია.
სასწავლო პროცესის აღდგენის შესახებ დეტალურ ინფორმაციას ელ. ფოსტის საშუალებით მიიღებთ“, – აღნიშნულია ინფორმაციაში.
სოციალურ ქსელში ავრცელებს მიმართვას ილიას სახელმწიფო უნივერსიტეტის აკადემიური საბჭოც:
“აღშფოთებით ვემიჯნებით საქართველოს ევროპულ პერსპექტივაზე უარის თქმას. მივიჩნევთ, რომ აკადემიური საზოგადოების ვალია, დაიცვას ქვეყნის ევროპული მომავალი.
ილიას სახელმწიფო უნივერსიტეტის აკადემიური საბჭო“, – აღნიშნულია მიმართვაში.
ქვეყანაში მიმდინარე პროცესებს განცხადებით ეხმიანება უნივერსიტეტი ალტერბრიჯიც:
“ალტერბრიჯი იყო, არის და იქნება საქართველოს ევროპული განვითარების მხარდამჭერი!!!
ჩვენი, როგორც საგანმანათლებლო დაწესებულების მისიაა, შევუქმნათ ადამიანებს პიროვნული და პროფესიული თვითრეალიზების ახალი, საუკეთესო შესაძლებლობები!
ამიტომაც, ალტერბრიჯი დგას თავისი სტუდენტების და ევროპული მომავლის მხარეს!
ჩვენ ვართ ხიდი ევროპისკენ!“ – აღნიშნულია გავრცელებულ ინფორმაციაში.
სასწავლო პროცესს დროებით აჩერებს საქართველოს საზოგადოებრივ საქმეთა ინსტიტუტიც [GIPA]
“GIPA, როგორც დემოკრატიისა და თავისუფლების იდეის ერთგული უნივერსიტეტი დღიდან დაარსებისა, მხარს უჭერს ქართველი ერის ნებას, გახდეს ევროპული ოჯახის სრულუფლებიანი წევრი.
უნივერსიტეტი დროებით აჩერებს სასწავლო პროცესს!“, – წერია უნივერსიტეტის ოფიციალური ფეისბუკის გვერდზე გამოქვეყნებულ განცხადებაში.
" alt="“თეატრში რომ გევლო, იქნებ, პასუხიც უფრო დახვეწილი გქონოდა…“- ნანკა კალატოზიშვილი სალომე გოგიაშვილს" />
" alt="ვიდეო: “ვინაა რუსი?!“ — დეკანოზმა შალვა კეკელიამ რუსეთის პოლიტიკის მომხრეები დაწყევლა" />
" alt="ვიდეო: "თქვენ ევროპაში რა გინდათ, თქვენ ხო აზიური კურსი გაქვთ აღებული?" - მაკა ბოჭორიშვილს თვითმფრინავში მოქალაქე კითხვებს უსმევს" />
" alt="ვიდეო: “ეკლესიაში მოგვივარდნენ – კომუნისტების დროს ხდებოდა ეგრე, მღვდლების ტაძრებიდან გამოყვანა…”- მამა შალვა კეკელია" />
" alt="“პიროტექნიკა კი არა ტყვიამფრქვევს როცა გესვრიან და შენ ტყვედ ჩაიგდე ვინმე, არ გაქვს უფლება, ის დაამცირო" - გენერალ მაიორი კაპანაძე" />
" alt="“მე, რომელმაც გახარიას მინისტრობის დროს თვალი დავკარგე, ახლა აქციაზე მასთან ერთად მიწევს დგომა..." - რას ამბობს მაკო გომური" />
" alt="“შენ ხარ *ლექალა” - რატომ დაუპირსპირდა დიანა ტრაპაიძე ქეთი დევდარიანს" />
" alt="“ქუჩაში ვითარება ჩაცხრა, აგრესიულ ჯგუფთა უმრავლესობა გაუვნებელყოფილია“- შალვა პაპუაშვილი" />
" alt="რამდენი წლის ხარ სინამდვილეში? მარტივი ტესტი, რომელიც ავლენს თქვენს ბიოლოგიურ ასაკს" />