სიახლეების ხაზი
შემოგვიერთდით
  • ნახეთ ვინ არის ქალი, რომელიც მზადაა ციხეში სააკაშვილის მაგივრად ჩაჯდეს

    ნახეთ ვინ არის ქალი, რომელიც მზადაა ციხეში სააკაშვილის მაგივრად ჩაჯდეს
    1 წლის და 6 თვის უკან
    Aa Aa
    გაზიარება:

    გერმანიაში მცხოვრები ნინო მოზესი, რომელიც ფეისბუქ მომხმარებლებმა დომენიკ მანგოსთან ერთად გაიცნეს, მზად არის, 20 წლიანი ემიგრაცია დაასრულოს, ჩამოვიდეს საქართველოში, მიხეილ სააკაშვილის ნაცვლად ჩაჯდეს ციხეში.

    ამის შესახებ მან ღია წერილში დაწერა, რომელიც ნიკა გვარამიას გაუგზავნა.

    "ღია წერილი ნიკა გვარამიას.

    გამარჯობა ბატონო ნიკა, მე ვარ ნინო მოზესი. თქვენი დახმარება მჭირდება ჩემი სურვილის მისატანად საქართველოს მთავრობამდე

    ვცხოვრობ 20 წელია გერმანიაში. ვარ50 წლის ქალი, მყავს სამი შვილი, უკვე დიდები არიან. მაწუხებს ჩემი ხალხის გახლეჩვა. გამოსავალს ვხედავ შერიგებაში. ურთიერთპატიებაში. არასოდეს ვყოფილვარ პარტიული, საერთოდ არც მიცხოვრია მიშას დროს საქართველოში. მეტიც, არჩევნებშიც არასოდეს მიმიღია მონაწილეობა.

    მაქვს კარგად აწყობილი და დალაგებული, უზრუნველი ცხოვრება გერმანიაში, მაგრამ მზად ვარ დავტოვო ყველაფერი და დავჯდე მიშა სააკაშვილის ნაცვლად ციხეში, რათა დაიწყოს დიდი შერიგება ქართველებში თუ ვინმეს სურს, შეუძლია შემომიერთდეს. მადლობა წინასწარ", - წერს ნინო მოზესი.