უკრაინის რადას დეპუტატის, ალექსეი გონჩარენკოს განცხადებით, საქართველომ აფხაზეთის დაბრუნების საკითხზე უნდა იფიქროს:
"უპირველეს ყოვლისა აფხაზ ხალხს ვეტყოდი, რომ დაბრუნდნენ საქართველოში და ვეტყვი საქართველოს: დაიბრუნეთ აფხაზეთი, ახლა არის მომენტი, როცა რუსეთი ძალიან დასუსტდა. რა თქმა უნდა ეს თქვენი საქმეა, მაგრამ ეს თქვენი ტერიტორიაა და ვფიქრობ, რომ ყველა ქართველისთვის ღირსების საკითხია, რომ ის ტერიტორიები, რომლებიც რუსეთმა საქართველოს მოგლიჯა, დაიბრუნოს. აფხაზეთი და სამაჩაბლო საქართველოა", - განაცხადა გონჩარენკომ ტელეკომპანია პირველის ეთერში.
