სასოწარკვეთილი მომხარებლების ჯგუფში ადამიანი წერს:
როგორ გვატყუებენ მაღაზიებში:
მოკლედ, იოსებიძის "ორ ნაბიჯში" შევდივარ და ვიღებ 1 პურს, 1 ტყემალს და 1 ყველაზე იაფფასიან ხელსახოცს, მოლარე გოგონა ატარებს და მეუბნება 9 ლარი და 5 თეთრი. ერთი გავიფიქრე - ვააახ, ტყემალი როგორ გაძვირებულა მეთქი და ბარათი გავატარე. ტერმინალმა დაიწრიპინა და მოლარემ ჩეკი ეგრევე ჩატეხა. ვდგავარ და თვალებში ვუყურებ, შემომხედა და მეკითხება - უი, პარკი ხომ არ გინდოდათ?
არა მეთქი.
-თავისუფალი ხართ!
-ჩეკი!
-რა ბრძანეთ?
-ჩეკი! ჩეკი მომეცით!
ზლაზვნით მაძლევს ჩეკს და ვხედავ, რომ ეგ ჩემი ყველაზე იაფფასიანი ხელსახოცი 3-ჯერ არის გატარებული..
-უკაცრავად, ეს ხელსახოცი 3-ჯერ რატომ არის გატარებული?
- 3 ცალი დევს შიგნით, აი ნახეთ - 1, 2, 3..
- რააააააააააააააააააააააა?! - ვიცინო თუ ვიკივლო, აღარ ვიცი უკვე, სახეზეც ეგ მაწერია.
- ა, მაშინ არ ვიცი, ბოდიში, ახალი ვარ, რამდენი გეკუთვნით? (არადა, ფულს და ჩეკს რომ მიტეხავდა, საერთოდ არ ეტყობოდა ახალი რომ იყო)
მოკლედ, ქეშად დამიბრუნა 2,90 და დავიშალეთ.
ჭირიც იქა და ქატოც..