ვაკის პარკში ტრაგიკულად გარდაცვლილი 1 წლი მარიტა მეფარიშვილი 55-ე სკოლის მოსწავლე იყო. ის ასევე ჩოგბურთს მიჰყვებოდა და წარმატებულ მომავალსაც უწინასარმეტყველებდნენ. მარიტა გასულ წელს საქართველოს ჩემპიონიც გახდა.
მარიტას პედაგოგი,ლუბა კასრაძე ამბობს, რომ 13 წლის გოგონას სპორტი სწავლაში ხელს არ უშლიდა:
"მეხუთე წელია, რაც მარიტას პედაგოგი ვარ და ამასობაში ძალიან შემაყვარა თავი. არაჩვეულებრივი გოგონა იყო მარიტა, ამას ყოველგვარი გადამეტების გარეშე გეუბნებით. ძალიან მშვიდი, წყნარი, ზრდილი და ღიმილიანი იყო. მარიტა სპორტით იყო მაქსიმალურად დაკავებული, რასაც ბევრი დრო მიჰქონდა (მარიტა მზიურის ჩოგბურთის კორტებზე ვარჯიშობდა, მისი მწვრთნელი მამა - დავით მეფარიშვილი იყო - ნ.ფ.). მას სპორტი არ უშლიდა ხელს სწავლაში. მარიტას უფროსი და ჰყავს, ნუცა, მე-9-ე კლასელია, ისიც ვარჯიშობს."
ორივენი ზრდილები, ლამაზები და გონიერები არიან. კოვიდის გამო, ლამის სამი წელი ონლაინსწავლება გვქონდა და ხშირად ვერ ვხვდებოდით ერთმანეთს, ნაკლები შეხება გვქონდა და ისე წამოიზარდნენ ეს ბავშვები, ვერც გავიგეთ... წელს ჩვეულებრივად მოვიდა მარიტა სკოლაში. კარგის მეტი არაფერი მეთქმის, არაჩვეულებრივი და ძალიან მოწესრიგებული ბავშვი იყო. არ ვიცი, დღეს რატომ გააცდინა, ამდენი არ ვიცი. მისი დამრიგებელი განადგურებულია, ახალგაზრდა ბიჭია, ხელოვნებას ასწავლის და კლასზე გადაყოლილია. ისიც და მთელი სკოლაც შოკში ვართ, მეხის დაცემას ჰგავს ეს ყველაფერი". - ამბობს პედაგოგი.