რუსთაველის გამზირზე "სირცხვილიას" და სხვა სამოქალაქო ორგანიზაციების ორგანიზებით აქცია, "შინ ევროპისკენ" მიმდინარეობს.
შეკრებილებმა საქართველოსა და ევროკავშირის დროშები გაშალეს. გაჟღერდა საქართველოსა და ევროკავშირის ჰიმნები.
ორგანიზაცია "სირცხვილია" აანონსებს, რომ ისინი დღეს საზოგადოებას სამოქმედო გეგმას გააცნობენ. აქციაზე რიგით მოქალაქეებთან ერთად სამოქალაქო საზოგადოების, ასევე სხვადასხვა ოპოზიციური პარტიის წარმომადგენლები იმყოფებიან.
რუსთაველზე საავტომობილო გზა გადაკეტილია. ტერიტორიაზე მობილიზებულია პოლიცია.