ავტომობილი სიმაღლიდან გადავარდა, შემთხვევა კახეთში, თელავი- ვაზიანი-გომბორის დამაკავშირებელ საავტომობილო გზაზე მოხდა და სამწუხაროდ, მსხვერპლით დასრულდა. გარდაცვლილია მამაკაცი.
"თბილისის მიმართულებით მოძრავი მსუბუქი ავტომანქანის მძღოლმა საჭე ვერ დაიმორჩილა და ცხენს შეეჯახა. შეჯახების შემდეგ, ავტომანქანა სიმაღლიდან გადავარდა."- ამბობენ თვითმხილველები
სამწუხაროდ, ავტომობილის მძღოლი ადგილზე გარდაიცვალა, ხოლო მგზავრებმა მსუბუქი დაზიანებები მიიღეს.
შეგახსენებთ, რომ მომხდარ ფაქტზე გამოძიება სისხლის სამართლის კოდექსის 276- ე მუხლით დაიწყო.